Wahay kau bangsa ku, ha tandawan sin kaliruan matampal kau piyantau sin dunya nag-agau kawasa.
Bukunka ha nakauna natandau kau daying ha kalayuan bilang bangsawan? Tausug gagandilan? Bayan buddiman kau wahay bangsa ku.
Ha waktu ini, andu' agun-agun karapatanna in ngan mu sin pag-agau kawasa sin magpopolitik iban kasultanan.
Hi patindug naisab magbalik in kamahardikaan mu silawak sin tumpukan Bangsa Tausug Naghambuuk (UTC) ah siyulat hi Neldy Jolo. Sin masi-masira mahardika' ha jawab hi Nur Danial.
Myta' napissuku'na kau? Bukun ka hi maas Sasapan maglibutan sin southeast Asia manulut iban magdirihil tabang daying ha kabangsa-bangsahan napissuku'? Hainna in bulangsang hi Maas Ilidji imagpang ha Kastila' ha bayta' hi Sultan Ismael Kiram?
Mayta' iyuna in pag-agau kawasa daying sin pamulansang umatu' hakasigpitan biya'na sin kabuhianan?
Andu' kailu in bangsa ku iyumpananman kawasa sin parinta Final Peace Agreement ha tahun 1996, nabiya' itik naglungtud pa sapa' daying ha nakura pa bata' tabiya'. Kiyatandawan naisab in kalammahan mu. Biya' kau amu' mag-agau saing. Ununa isab in sumunu' pag-agawan? Hangaslag-ngaslag Lupa' Sug. Magsamit-samit in kasultanan ha sa'bu isab piyagpipirit-pirit sin magpopolitik.
Bukunka in ini hambuug kaaiban? Maingkan kiyahahatihan sin tiyap-tiyap Tausug in kawasa maglabay iban di' mara mapatay.
In panghati ku in kawasa makapasanyang, ha adlau ini kiyatandawan ku ha bangsa maisug in kawasa makapamanyaga' ha mag-aagau.
Bukunka ha nakauna natandau kau daying ha kalayuan bilang bangsawan? Tausug gagandilan? Bayan buddiman kau wahay bangsa ku.
Halul akkal, bayan buddiman
Gagandilan wala' kiyarapatan
Nananakus barong, o pipisan
Simusupa' mama' hipu' sin pamulansang
(daying ha Tarasul Tausug Gagandilan siyulat hi Nur Danial)
Ha waktu ini, andu' agun-agun karapatanna in ngan mu sin pag-agau kawasa sin magpopolitik iban kasultanan.
Hi patindug naisab magbalik in kamahardikaan mu silawak sin tumpukan Bangsa Tausug Naghambuuk (UTC) ah siyulat hi Neldy Jolo. Sin masi-masira mahardika' ha jawab hi Nur Danial.
Kami Bangsa Tausug
Mahardika namaugbug
Limaya daing ha satru
Timindug di' magpapissuku
(daying ha Tausug National Anthem biyaktul sin Hambuuk Tausug bata' ba'gu manunulat, Neldy Jolo)
Myta' napissuku'na kau? Bukun ka hi maas Sasapan maglibutan sin southeast Asia manulut iban magdirihil tabang daying ha kabangsa-bangsahan napissuku'? Hainna in bulangsang hi Maas Ilidji imagpang ha Kastila' ha bayta' hi Sultan Ismael Kiram?
Mayta' iyuna in pag-agau kawasa daying sin pamulansang umatu' hakasigpitan biya'na sin kabuhianan?
Andu' kailu in bangsa ku iyumpananman kawasa sin parinta Final Peace Agreement ha tahun 1996, nabiya' itik naglungtud pa sapa' daying ha nakura pa bata' tabiya'. Kiyatandawan naisab in kalammahan mu. Biya' kau amu' mag-agau saing. Ununa isab in sumunu' pag-agawan? Hangaslag-ngaslag Lupa' Sug. Magsamit-samit in kasultanan ha sa'bu isab piyagpipirit-pirit sin magpopolitik.
Bukunka in ini hambuug kaaiban? Maingkan kiyahahatihan sin tiyap-tiyap Tausug in kawasa maglabay iban di' mara mapatay.
In panghati ku in kawasa makapasanyang, ha adlau ini kiyatandawan ku ha bangsa maisug in kawasa makapamanyaga' ha mag-aagau.
0 comments:
Post a Comment